Hajnalka Zsóri logejdezajnisto

Mi devis plani okulfrapan, „high-tech” stilan vidaĵ-oficejon* en malnova, balkonkoridora ludomo. La ĉiutaga, sistema laboro ne tie okazas, nur la unua renkontiĝo kun la klientoj. Oni bezonis laborejon por la sekretariino, luksan kontoron por la ĉefo, atendejon, kaj eblon por rekte atingi la najbaran privatan loĝejon.

*vidaĵ-oficejo: oficejo, kies travidebla kaj rava aspekto estas samtempe reklamo celanta la klientojn.

La karakterizaj koloroj en la oficejo de la estro estas tiu de la vitro kaj aluminio, cetere la violkoloro. La ĉambro ne estas granda, do mi elektis meblojn el vitro. Ne nur la skribotablo kaj la bretoj, sed ankaŭ la foteloj por la gastoj estas travideblaj, tiel optike ili ne malvastigas la spacon kaj kompensas la efikon de la violkoloro.

Unu el la flankaj muroj estas tegita per dorsflanke farbita speguleca vitrotabulo, la alia per ondigita lameno el aluminio.

Unu elemento de la murtegaĵo estas flankenŝovebla, malantaŭ ĝi troviĝas la enirejo de la loĝejo. Super la tegaĵo kaŝiĝas lampoj, aranĝitaj en vico.