Hajnalka Zsóri logejdezajnisto

Kondiĉoj kaj bezonoj: Ĉi tiu ĉambro estas aranĝita por du diversaĝaj gefratoj. Grava problemo estis, ke la banĉambro kaj necesejo estis atingeblaj nur tra la infanĉambro.

Realigo: Por la senĝena uzebleco de la intimaj ejoj la trairejon mi separis de la ĉambro. La spacon, tiel perditan, mi regajnis aplikante podio-sistemajn litojn. Du loĝpartoj estas separeblaj, sed ili estas ankaŭ komune uzeblaj laŭ la bezonoj de la diversaj periodoj, kiuj aperas en infanaĝo.

En la ĉambreto de la lernantino la lito estas ŝovebla duone sub la podion. Tiel ĝi estas komforta sidmeblo, aŭ tute enŝovite plivastiĝas la ludejo.

Iam poste oni povos laŭbezone transloki la ŝrankon, kaj tiel separi la ĉambropartojn.

La du ĉambretojn oni povas kaj unuigi kaj separi per tireblaj bretoj kaj tabuloj. La litojn oni povas ŝovi sub la podion. Sur la podio estas la ludkaĝo. Krado malebligas, ke la bebo elfalu tie, kaj la sama krado servas ĉe la bebolito.